Vikebygd kyrkje med sin gode akustikk og sitt forholdsvis nye kyrkjeorgel er rekna for ei av våre beste kyrkjer for konsertar.  Kvart år er her ein del konsertar, men det kunne gjerne vore fleire.  Omlag 50 personar kom til kyrkja for å høyra Kristina Flatebø spela verker av Clerambault, Swelinck, Mendelssohn og J.S.Bach.

Dei vart ikkje skuffa.  Kristina meistra orgelet godt.  Mellom musikkstykka var det tekstlesing ved Bjørg Borgemyr.

Vi ynskjer henne lukke til vidare i studiar og eksamenar, og ynskjer henne attende til å spela meir for oss her i Vikebygd.

Takk for initiativet Kristina.  Vi gledde oss over tonane dine.