Hausten 2005 var det soknerådsval i alle kyrkjelydane i Noreg.  
Om medlemane som er valde til Vikebygd sokneråd og verva deira,
kan du lesa nedanfor her: 

Bak, frå venstre:
Jarle Årvik (1.v.), Steinar Skartland og Knut Heggland (5.v.). 
I midten frå venstre:
Else T. Valen, Brit Nelly N.Tveit, Kjersti H.Bjerga og Agnes Olene Svendsbø(2.v.). 
Framme frå venstre:
Johannes Nedrelid, Dag Hans Nagel-Alne og Rolf Alne. 
2 av varamenna, Charlotte Rurtveit (3.v.) og Lise Søndenå (4.v.), var ikkje tilstades då biletet vart teke.

Desse vart valde for soknerådsperioden 2006-2009:
-Telefon, verv og annan info - gå inn HER.

Soknerådsmedlemar:

Steinar Skartland, Leiar
Brit Nelly Ness Tveit, Nestleiar
Else Tengesdal Valen, Sekretær
Dag Hans Nagel-Alne, Repr. til Fellesrådet
Kjersti Hausberg Bjerga, varamann til fellesrådet
Rolf Alne, Medlem
Johannes Nedrelid, Sokneprest

Varamedlemar vart desse:

1. Jarle Årvik
2. Agnes Olene Svendsbø
3. Charlotte Rugtveit
4. Lise Søndenå
5. Knut Heggland

Valstyret som leia valet og oppteljinga, var det "gamle soknerådet."

Soknerådet hadde sitt fyrste møte den 23.november, der dei konstituerte seg. 

Soknerådet og oppgåvene deira

I bibelen vert det m.a. skreve ein god del om "dei eldste i kyrkjelyden."  Dette var ikkje dei som var eldst av alder, men personar som var valde til eit eldsteråd som skulle vera tilsynsmenn i kyrkjelyden.  På same måte kan vi seia at soknerådet er kyrkjelyden i Vikebygd sitt eldsteråd, som særskilt skal ha omsyn for det kristne livet i kyrkjelyden, uttrykt som at rådet skal "vera ein katalysator for dei behov som rører seg i kyrkjelyden."

Vidare vil soknerådet ha ei viktig oppgåve i å synleggjera overfor befolkninga dei mogelegheiter som ligg i dei ressursar kyrkjelyden (og kykjelydane i fellesskap) disponerer.  Soknerådet si oppgåve vil vera både å setja i gong verksemd og å leggja til rette for at ein både gjennom tilsette sine ressursar og kyrkjelyden sin økonomi, kan stimulera til friviljug verksemd og engasjement i kyrkjelyden.

Frå kvart sokneråd i kommunen er det elles vald 1 medlem med personleg varamann, som saman med kyrkjeverge,  ein av sokneprest og ein representant frå kommunen, utgjer fellesrådet.  Hovudoppgåva til fellesrådet er å vera arbeidsgjevar for dei tilsette, og ha tilsyn med, og ansvar for, bygg og eigedomar som kyrkja eig og disponerer.

Ei opplisting av oppgåver for soknerådet vil sjå slik ut:

Generelt verksemdsansvar:

• Gudstenesteliv
• Dåps- og konfirmasjonsundervisning
• Diakoni
• Kyrkjemusikalsk verksemd som kor, konsertar og anna song- og musikkliv i kyrkjelyden.
• Barne- og ungdomsarbeid
• Besøksteneste
• Barnehage
• Bibelgrupper, husgrupper
• Kyrkjelydsblad etc.

Spesielle oppgåver nemnde i kyrkjelova:

• avgjera formål for ofringar
• oppretta stillingar (med fellesrådet si godkjenning)
• medvirka ved tilsetjing av prest, prost og biskop
• fordeling
• avgi rapport til kyrkjeleg myndigheit
  (departementet, kyrkjemøtet, bispedømerådet)
• føra oversikt over inventar og utstyr
• utleige av kyrkja
• førebu og gje innstilling i saker til kyrkjelydsmøtet
• førebu og gjennomføre val av sokneråd

Oppgåver nemnde i Gudstenesteboka, kor soknerådet avgjer:

• bruken av alternativ musikk til einskildledd
• formene for lovsong
• val av tekstlesarar
• når og kor ofring skal finna stad
• kva for form av Herrens bøn som skal nyttast
• kva type vin som skal nyttast
• kva for utdelingsmåte som skal nyttast ved nattverd
• velja leke nattverdsmedhjelparar, etter framlegg frå presten. 
  Desse skal godkjennast av biskopen.