|
Velkommen til hytteopphald, og til grillparty eller rasteplass på Prestestøylen
Innvikdalen, med mange gamle setrer og nyare hytter, ligg vakkert til og er eit fint utgangspunkt for fjell- og breturar. Avstand frå Langvin er ca 6 km, med bomveg vidare frå grendevegen etter Drageset. Bilvegen går fram til Prestestøylen, med parkering like ved seterhusa.
Prestestøylen består av 2 enkle hytter, og eit lite vedskjul med gammeldass. Husa har enkel standard, utan straum. Vatn hentast frå elva like ved.
Borgstova :
Stove sett opp på Langvin i 1759, same år som prestegardshuset. Vart flytta opp til støylen og brukt som fjøs i mange år. Seinare gjort om til hytte. Borgstova inneheld: Liten forgang, og opphaldsrom med sitjeplass til 16 - 18 personar. Hems med to senger.
Borgstova blir brukt som rasteplass/varmestove for grupper på fjellturar.
Hytta:
Eldre stølshus som seinare er påbygd til hytte. Enkel standard med: Liten gang, stove med kjøkenkrok, 2 soverom, uinnreidd hems. Soveplass for 5-6 personar.
|
